Bai na e kontenido
ReshapersBo tin un kódigo?

Investigashon ku bo hendenan por konfia.

Reshapers ta hasi investigashon pa organisashon na Kòrsou i den region: enkuesta, 360 feedback, seshon live, grupo fokal i entrevista. Den e idioma ku bo hendenan ta papia, ku e statistika patras di kada konklushon.

Seshon live

Kiko bo ke sa mas tokante bo hendenan?

Sin nòmber i sin cookie. Un kontesta pa aparato pa dia.

Sinku manera pa tende

Kada un ta kontestá un otro pregunta. Hopi biaha un investigashon ta usa dos di nan.

  • Enkuesta pa empleado

    Kon bo hendenan realmente ta sinti tokante nan trabou, nan liderato i e kompania, kompará ku e último biaha.

    Satisfakshon, pulso, skan di kultura, introdukshon i salida

  • 360 feedback pa lider

    Kon gerente, kolega i tim ta mira un lider, banda di kon e lider ta mira su mes.

    Modelo di kompetensia, evaluadó pa grupo, un kòmbersashon despues ku kada lider

  • Seshon live

    Kiko un sala ta pensa awor aki, durante un town hall, un workshop òf un dia di strategia.

    Telefòn den sala, resultado riba e pantaya grandi

  • Grupo fokal i entrevista

    Dikon hende ta pensa loke nan ta pensa, den nan mes palabranan.

    Un guia, nota, tema i un rapòrt ku sita

  • Investigashon di kliente i merkado

    Kiko bo klientenan ta apresiá, pa kiko nan ke paga i dikon nan ta bai.

    Satisfakshon, NPS, metodo di preis i preferensia

Nòmbernan ta sali promé ku nos AI lesa un palabra

Magician, nos yudante di AI, ta lesa kontesta habrí pa haña tema. Promé ku e hasi esei, e skudo di privasidat ta saka tur nòmber, e-mail, number di telefòn i number di ID ku e haña.

[Person 1] ta bisa ku e rooster nobo di planifikashon a yega laat. Yama mi na [Phone 1] si bo ke sa mas.

E skudo ta traha den bo browser. Nada di loke bo skirbi ta sali for di e pagina aki.

  • Bo ta skohe pa kada kliente: AI pagá, protehá òf kompletu.
  • Despues di kada paso e tim ta mira kiko Magician a lesa i kiko e a tapa.
  • Magician nunka ta inventá un number. Nos mes server ta kalkulá kada sifra.
  • Nos ta tèst e skudo riba 2.240 kontesta ku kada version nobo.

E statistika di un ofisina di investigashon, den un rapòrt ku bo liderato por lesa

Kada sifra ta wòrdu kalkulá kada biaha riba e mesun manera, i un diferensia ta haña un flecha so ora e ta keda para.

Kua tema ta pisa mas riba satisfakshon, i kua di nan tin e skor mas abou. Einan bo ta kuminsá.

Dato di ehempel

Preshon di trabou: Drecha promé. Liderato: Tene asina. Salario: Ménos urgente. Kresementu: Drecha promé. Spirit di tim: Bon pa tin. Hèrmèntnan: Bon pa tinDrecha proméTene asinaMénos urgenteBon pa tinPreshon di trabouLideratoSalarioKresementuSpirit di timHèrmèntnanSkorEfekto riba satisfakshon

Tambe: peso pa yega na bo personal, TURF, tabla krusá, tendensia, e embudo di abandono, box plot i limpiamentu di dato.

Purba e statistika bo mes

Dos pregunta ku kliente ta hasi nos promé ku kada investigashon. Kambia e numbernan i wak e kontesta.

Kuantu kontesta bo mester?

E diferensia di mas chikí ku ta importá

E kalkuladó ta karga

95 porshento sigur, ku 80 porshento chèns pa mira un diferensia real. Kalkulá pa porshento rònt di 50, kaminda diferensia ta mas difísil pa mira.

E diferensia aki ta real?

Grupo A
64%
Grupo B
52%

E kalkuladó ta karga

Un tèst di dos proporshon na 95 porshento, e mesun tèst ku nos rapòrtnan ta usa pa kompará dos grupo.

Solamente na Reshapers

Traha pa organisashon akinan, usá tur siman den nos mes trabou pa kliente.

Papiamentu na tur kaminda
Pregunta, e-mail, pantaya i rapòrt, chèk pa hende ku ta papia e idioma.
Tablet sin internet
Tim sin e-mail ta kontestá riba un tablet kompartí. E kontestanan ta subi despues.
Kontesta ku bo stèm
Hende por papia un kontesta habrí en bes di tep e.
Seshon live ku diseño di Kòrsou
Punda, Lagoon òf Kunuku riba e pantaya grandi, resultado mesora ku nan drenta.
E stèm trankil ta konta
Den grupo fokal nos ta sigui ken ta papia, pa e moderadó por puntra esnan ku no a bisa nada ainda.
360 traha pa lider akinan
39 kompetensia den kuater idioma, komportashon pa nivel, e kambio desde e último rondo.
Rapòrt ku ta keda fiho
Ora un rapòrt di 360 a wòrdu lesa, ningun hende por habri e rondo atrobe i kambi’é.
Chèk promé ku e sali
Kada enkuesta ta wòrdu chèk pa pregunta ku ta stür, i tèst riba telefòn, tablet i den kada idioma.

Kon un investigashon ta bai

  1. Puntra

    Nos ta forma e preguntanan huntu ku bo, ku palabra simpel, den tur idioma ku bo mester.

  2. Yega

    Pa e-mail, kódigo QR, link, tablet òf live den sala. Rekordatorio ta bai di nan mes.

  3. Lesa

    Statistika, tema for di kontesta habrí i un chèk riba e kalidat di kada kontesta.

  4. Aktua

    Un rapòrt ku bo liderato por lesa i un kòmbersashon ku nan despues. Nos tim di Transformation ta yuda ku e siguiente paso.

Bo a haña un invitashon pa kontestá?

Bon pa sa promé ku bo kuminsá.

  • Nos linknan ta kuminsá ku surveys.reshapers.online. Nos e-mail ta bini for di surveys@mail.reshapers.co.
  • Nos nunka ta pidi un kontraseña, dato di banko òf un number di ID.
  • Algun enkuesta ta anónimo, otro no. E promé pantaya di kada enkuesta ta bisa bo kua, i ken ta mira bo kontestanan.
  • Partisipá ta bo mes eskoho. Bo por stòp na kualke momentu.

Bo a haña un kódigo for di nos?

Tep e kódigo di bo karchi, slide òf mensahe.

Un link di 360 feedback ta personal i no tin kódigo. Bo a pèrdè e link? Puntra e persona ku a manda bo.

Kiko bo ke sa tokante bo organisashon?

Bisa nos bo pregunta. Nos ta bin bèk ku un plan, un tempu i un preis.

Planifiká un investigashon ku nos